Gibutyag sa aktres nga si Carla Abellana nga nakahuna-huna siya sa pagsulod sa politika apan sa sayop nga mga rason sama sa bahandi ug luho nga estilo sa kinabuhi.
Bisan pa niini, siya miinsistir nga ang iyang konsensiya dili makabuhat sa maong kalikuhan.
Sa interbyu kaniya kaniadtong Huwebes, giangkon sa aktres nga natintal siya sa pagsulod sa politika tungod sa giingong kurapsyon nga iyang nasaksihan.
Karong bag-o, si Abellana maoy gibansagan nga “Queen of Call Out” sa mga netizen tungod sa iyang pagka-outspoken sa social media kon hisgutan ang isyu sa kurapsyon sa gobyerno ug problema sa mga service companies.
Partikular niyang gikondena ang mga kuwestiyonableng proyekto sa flood control, samtang gipahayag ang iyang kasuko isip usa ka matinud-anon nga magbubuhis.
Gipangayo usab niya ang aktuwal nga tulubagon sa mga nalambigit sa anomaliya.
