Gipabakwit na ang mga residente nga nagpuyo sulod sa 6 kilometer permanent danger zone sa Bulkang Mayon. Kini human gipasaka ang status sa bulkan ngadto sa Alert Level 3 gikan sa Alert Level 2 nga unang gideklarar niadtong Enero 1.
Sumala ni Dr. Paul Alanis, Supervising Science Research Specialist sa Phivols nga gihimo ang rekomendasyon tungod sa timailhan nga ilang na-monitor sa bulkan.
Aduna usab mga pagbuga sa init nga abo ug gas sugod pa kagahapon sa udto diin adunay mga tipaka sa bato nga nangatagak gikan sa baba sa bulkan.Giklaro sa philvols nga wala pay lava nga nang-awas ug gagmay pa lang nga mga parte niini ang nangatagak.
Kasamtangan wala pay nahitabo nga phreatic eruption apan posible kini nga mahitabo sa mosunod nga mga oras kung magpadayon ang aktibidad sa bulkan.
Mahimong isaka pa ang alerto ngadto sa Level 4 depende sa kagrabe sa mahitabo nga pagbuto ug kung asa kutob ang maabot sa pyroclastic flows.
Samtang mukabat sa 130 nga personahe sa kapulisan sa lalawigan sa Albay ang gideploy alang sa pagbantay sa padayong aktibidad sa Bulkang Mayon
