GENERAL SANTOS CITY – Nagkaproblema ang contructor sa drainage sa underpass project nga posible wala lamang malantawan nga maghatag ug problema pag-abut sa panahon gani niining tuiga laing pundo ang na release gikan sa Department of Budget and Management aron magpadayon ang pagtrabaho niini.
Kini ang gibutyag ni Gensan Lone District Representative Loreto Acharon nga nagpahigayon ug pagsusi ang iyang buhatan pinaagi sa Department of Public Works and Highways human nagpundo ang tubig hinungdan nga dili maagi-an.
Pagsaysay niini nga may water flow program nga gipresenta kaniadto ang taga DPWH dihang wala pa masugdan ang proyekto apan wala maha-um human nakasinate ug dugay nga pag-ulan ang dakbayan.
Wala kini masayod kung may revision ang constructor aron mawala ang tubig nga nagpundo ilawom sa underpass.
Samtang sa usa ka pakighinabi sa usa ka opisyal sa syudad nga magbutang matud pa ug pumping station ang contructor aron musuyop sa tubig panahon nga mag-ulan ug magpundo ang tubig.
Nasuta nga daghang nakapangutana sa social media kung unsa ang mahitabo sa underpass kung mahuman na ang pagtrabaho human gilunupan ug tubig nakalabay nga adlaw.
