-- ADVERTISEMENT --
GENERAL SANTOS CITY – Gikumpirma sa Department of Natural Resources Region 12 nga tinuod ang buaya nga unang nakita sa bukana sa Barangay Buayan milabayng adlaw.
Sumala pa ni Dr. Alan Marcilla sa CENRO-Gensan, nga nakit-an mismo sa drone shot ang maong buaya nga anaa na karun sa baybayon sa Lun Padidu, Malapatan, Sarangani Province.
Tungod niini gipahimangnuan ang mga residente nga magbantay ug likayan ang unsa mang encounter sa maong “Saltwater crocodile”.
Partikular ang mga residente nga duol sa mangrove areas sa Minanga, Buayan, General Santos City, Lun Padidu, Malapatan, Sarangani Province, ug mga kasikbit nga baybayon.
Nanawagan usab ang ahensiya nga kung makit-an ang maong reptilya, magreport gilayon sa ilang buhatan.
-- ADVERTISEMENT --
