Gipasalig ni Senador Panfilo “Ping” Lacson nga katungod ni Presidente Ferdinand Marcos Jr. ang pag-ilis sa mga kalihim sa Department of Transportation o DOTr ug Department of Public Works and Highways o DPWH.
Sumala kang Lacson, pamilyar na si Vince Dizon sa operasyon sa DOTr tungod kay nahimo na siyang hepe niini kaniadto, samtang kwalipikado usab si Banoy Lopez nga mangulo sa DPWH.
Gipasabot sa senador nga ang pagpili ug pagtudlo sa mga kalihim sa nagkalainlaing departamento kabahin sa gahum sa Presidente sa pagpili sa mga opisyal nga motabang sa pagdumala sa gobyerno.
Samtang, gipadayag ni Lacson nga dili makaapekto sa nagpadayong imbestigasyon sa Taguig ang pag-ilis sa duha ka kalihim.
Kini tungod kay ang maong kaso gibalhin na ngadto sa Office of the Ombudsman ug anaa na sa fact-finding stage o yugto sa pagpangita ug pagsusi sa mga kamatuoran.
Gipasabot niini nga magpadayon ang proseso sa imbestigasyon bisan pa sa pag-ilis sa mga nangulo sa DOTr ug DPWH, samtang ang Ombudsman maoy magpadayon sa pagsusi sa mga detalye ug ebidensiya kalabot sa maong kaso.
