-- ADVERTISEMENT --
GENERAL SANTOS CITY-Nagpaklaro si Kapitan Rock Garay sa Dadiangas South nga suportado niya ang tanan nga lakang nga pagabuhaton sa lokal nga panggamhanan sa Heneral Santos bahin sa plano nga pagtukod og ‘Mallengke’ niining dakbayan.
Matud niini, walay problema kaniya ug sa mga katawhan sa iyahang nasakupan nga barangay ang maong proyekto tungod alang sa kalamboan apan angayan nga siguradohon sa katawhan nga dili kaayo taas ang arkila sa mga vendors ug may kasiguraduhan nga makabalik ang mga orihinal nga mga stall owners kung ugaling matukod na ang Mallengke.
Dugang pa niini nga sa susamang sitwasyon gikinahanglan ang pagsabot sa mga katawhan ug sa gobyerno aron mapatuman nga hapsay ang proyekto.
