Napili si Blessie Mae Abagat, ang singer nga taga Camaligan, Camarines Sur, nga mokanta sa “Lupang Hinirang” sa ikatulong State of the Nation Address ni Presidente Ferdinand Marcos Jr. karong Hulyo 22.
Matud pa niya nga pipila ka semana na siyang nag-ensayo diin mitambong pa siya sa Academy of Performing Arts alang sa SONA.
Ang 27-anyos nga singer gitudloan sa mga trainer gikan sa World Championship of Performing Arts (WCOPA) Philippines.
Dili sab usiya makatuo nga mapili siya nga mokanta sa nasudnong awit sa SONA.
Nakadala si Blessie og daghang medalya gikan sa mga prestihiyosong internasyonal nga kompetisyon sama sa 2024 Division Medal Champion para sa Vocal Pop category, gold medals para sa Vocal Gospel, Vocal Contemporary, Vocal World, ug Vocal Broadway.
