Nimando si Bureau of Immigration Commissioner Joel Viado sa pagtaktak dayon sa mga personahe sa BI human nakaeskapo ang high-profile fugitive Korean national.
Base sa bag-ong CCTV footage ug testimonial evidence nga nahipos, posibling dunay panagkunsabo. Sa usa ka pamahayag, Comm. Viado nga dili kini yanong pagpabaya tungod kay matod niya nakuhaan sa camera ang mga lihok ug interaksyon nga nagpakita og panagkunsabo.
Gawas niini, niingon siya nga nakatigom usab sila og dugang testimonial evidence nga makapalig-on pa sa ilang kaso batok sa mga personahe nga nalambigit.
Nagpadayon pa ang imbestigasyon, bisan og matod nila aduna silay lig-ong ebidensiya nga mosuporta sa mga kasong kriminal batok sa mga responsable sa maong insidente.
Matod niya nga gisusi karon ang CCTV footage nga giingong nagpakita sa mga opisyal sa BI nga mitabang sa pugante. Samtang, gipasaka na ang mga reklamong kriminal batok sa mga personahe sa BI sa Department of Justice.
Ang kadagkoan sa BI nisaad nga dili mohunong ug dili modagmal ang maong ahensya kang bisan kinsa hangtod nga masilutan ug mapriso ang tanang responsable aron dili kini mahimong sumbanan.
Una, nakaeskapo ang Korean nga pugante nga si Na Ik-hyeon dihang nitambong siya sa hearing sa iyang estafa case sa QC prosecutor’s office niadtong Marso 4.
