BFP GenSan hugot ang pahimangno sa mga magpabuto og firecrackers sa pagsugat sa bag-ong tuig

GENERAL SANTOS CITY – Giangkon ni Sfo1 Oliver Alfeche, spokesperson sa Bureau of Fire Protection (BFP) GenSan nga dili gayud mapugngan ang mga tawo nga dili magpabuto og firecrackers sa pagsugat sa bag-ong tuig.

Matud pa niini nga tradisyon na sa matag Pilipino nga magpabuto sa pagtuo nga makaabog sa dautang mga elemento.

Kung magpabuto angayang dili sa daghang tawo og kadtong mga firecrackers nga legal lang nga gibaligya.

Kini aron makalikay sa disgrasya tungod kada tuig daghan ang naputlan og tudlo o nabuthan gumikan sa mga firecrackers.

Ang ilang opisina ang gapahimangno lang sa publiko sa mga posibleng mahitabo kung magpasagad sa pagpabuto.