Ilusad ang usa ka Sunday Prayer Rally sa Freedom Park, Davao City karung umaabot nga Domingo, Mayo 17, 2026, alas 3:00 sa hapon, nga pagahiusahan sa mga supporters nila Vice President Sara Duterte ug Sen.Ronald “Bato” dela Rosa.
Ipahigayon ang maong kalihukan isip pag-ampo ug pagpakita sa suporta alang sa duha ka lider nga nag-atubang og nagkadaiyang isyu sa nasudnong politika.
Gilauman nga daghang supporters gikan sa nagkalain-laing grupo sa dakbayan ang mutambong sa maong panagtigom.
Giawhag usab sa mga organizer ang mga partisipante nga magdala og kandila ug placards isip simbolo sa panaghiusa ug malinawon nga pagsuporta.
Gipasiugda sa mga organizer nga ang kalihukan dili usa ka protesta, kondili usa ka malinawon nga prayer gathering nga nagtumong sa pag-ampo, panaghiusa, ug pagdasig sa mga supporter samtang nagpadayon ang diskusyon sa politika sa nasud.
