Nangayo og bag-ong fitness review sa International Criminal Court (ICC) ang bag-ong abogado ni kanhing Presidente Rodrigo Duterte.
Sa gisang-at ni Peter Haynes, iyang gihangyo ang korte nga susihon pag-usab ang kahimtang sa panglawas sa kanhing presidente aron makatambong siya sa mga pagdungog. Sumala kaniya, klaro nga mihuyang na ang kahimsog sa kanhing pangulo.
Kung makitang igo pa ang kusog sa kanhing presidente alang sa pagdungog, importante nga hatagan sila og igong panahon sa pagpangandam.
Matod sa mga rekord, kaniadto gibasura sa ICC ang mosyon sa kampo sa kanhing presidente diin giingon nga siya mentally ug physically fit aron motambong sa pre-trial proceedings.
Sa desisyon nga gipagawas niadtong Pebrero 13, giingon sa Pre-Trial Chamber nga adunay igo nga kahimsog ang kanhing presidente aron motambong sa mga pagdungog.
Kapin usa ka tuig na ang kanhing presidente sulod sa ICC, diin nag-atubang siya og kaso nga crime against humanity may kalabotan sa madugo nga kampanya batok sa iligal nga droga.
