Bawas presyo sa mga produktong petrolyo ipinatupad ngayong araw

Magkakasabay na nagpatupad ng bawas presyo ang mga kumpanya ng langis.

Kaninang ala-6 ng umaga ng ipinatupad ang P0.70 na bawas sa kada litro ng gasolina.

Habang mayroong P0.10 na bawas naman sa kada litro ng diesel at ang kerosene ay mayroong P0.80 na bawas sa kada litro.

Itinuturing na dahilan ng Department of Energy sa bawas presyo ang natigil na kaguluhan sa pagitan ng Israel at Iran ganun din ang pasya ng Organization of the Petroleum Exporting Countries (OPEC) na dagdagan nila ang mga bariles na kanilang ginagawa.