Magsul-ob si Presidente Marcos og barong nga hinimo sa mga ‘artist’ gikan sa Southern Luzon ug Aklan atol sa iyang ikatulo nga State of the Nation Address (SONA), matud sa Malacañang kagahapon.
“PBBM’s SONA barong is a collaborative work of artisans from Lucban, Quezon; Taal, Batangas; and Aklan,”
according to the Presidential Communications Office (PCO).
Gipagawas usab sa PCO kagahapon ang mga litrato sa katapusang ensayo ni Marcos.
Ang Presidente mohatag sa iyang pakigpulong atubangan sa joint session sa Kongreso sa Batasang Pambansa complex sa Quezon City karong hapon.
Kapin sa 2,000 ka mga bisita ang gilauman nga motambong sa SONA karong tuiga nga naglakip sa mga lider sa politika ug mga miyembro sa diplomatic community.
Sayo niining buwana, si Marcos miingon nga lakip sa mga isyu nga iyang sulbaron sa iyang pakigpulong mao ang “lain-laing mga hulga nga moabut kanato,” lakip na ang kahimtang sa ekonomiya, ang
pakigbisog sa gobyerno batok sa kriminalidad ug ilegal nga droga, ingon man ang kalidad sa kinabuhi sa mga Pilipino.
Usa ka oras ug 14 minutos ang gidugayon sa unang SONA ni Marcos. Ang iyang ikaduhang pakigpulong milungtad og usa ka oras ug 11 ka minuto.
Ang 1987 Constitution nagkinahanglan sa Presidente nga mamulong sa Kongreso sa pagbukas sa regular nga sesyon niini. Ang adres ihatod kada ikaupat nga Lunes sa Hulyo.
Ang post-SONA discussions gikatakda sa Pasay ugma Martes ug Myerlyules sa ahensya sa gobyerno.
