Nang bomba ang usa ka barko sa China Coast Guard (CCG) og water cannon ug nibangga sa usa ka barko sa Bureau of Fisheries and Aquatic Resources (BFAR) duol sa Pag-asa Cay 2 o Sandy Cay sa West Philippine Sea kagahapon, Miyerkules, Mayo 21.
Sa usa ka pamahayag, gikompirma sa BFAR nga ang duha ka barko niini, ang BRP Datu Sanday ug BRP Datu Pagbuaya, nagpahigayon og routine mission uban sa usa ka scientific team sa pagkolekta og sand samples sa maong lugar isip kabahin sa maritime scientific research initiative dihang nahitabo ang bag-ong harassment sa Chinese vessel.
Matod sa ahensya, ang CCG vessel 21559 nang bomba og water cannons kaduha ug nabangga ang BRP Datu Sanday, nga miresulta sa daghang kadaot barko ug smokestack niini sa Pilipinas, nga nagpameligro sa kinabuhi sa mga sibilyan nga sakay niini.
Matod sa BFAR nga kini ang unang higayon nga ang Chinese vessel migamit og water cannon batok sa BFAR research vessel sa Pag-asa Cays.
Bisan pa sa agresibo, delikado ug ilegal nga aksyon sa barko sa China, ang Philippine scientific team nakahimo sa pagkompleto sa ilang misyon sa Pag-asa Cays 1, 2 ug 3.
