Nagpatrolya na sa Escoda shoal sa West Philippine Sea ang gipadala nga barko sa Philippine Coast Guard hulip sa BRP Teresa Magbanua aron bantayan ang lugar ug siguruhon nga walay reclamations ug uban pang mga illegal nga aktibidad sa lugar.
Matod kang National Security Council spokesperspon Assistant Director General Jonathan Malaya nga sukwahi kini sa gikanayon sa pipila ka mga sektor nga misurender ang Pilipinas gikan sa pag-angkon niini sa maong shoal human nga i-pull out ang BRP Teresa Magbanua dili pa lamang dugay.
Kumpiyansa nga gibutyag usab ni Malaya nga wala miatras ang Pilipinas o gihatag ang Escoda shoal sa China kun dili nakaangkon lang matod pa o ‘repositioning’.
Gipaklaro usab sa NSC official nga kinahanglan sa mga Coast Guard personnel nga sakay sa BRP Teresa og supply reprovision ingon man kinahanglan usab nga ayuhon ang naangkong mga damyos sa barko human ang tulo ka higayon nga tinuyo nga pagbangga sa mga barko sa China Coast Guard sa miaging bulan sa Agosto.
Una ng gipaklaro ni National Security Adviser Eduardo Año nga magpadala og relief ship alang sa BRP Teresa Magbanua didto sa Escoda shoal.
Ang Escoda shoal anaa sa 75 nautical miles ang kalay-on gikan sa Palawan ug sulod kini sa exclusive economic zone sa Pilipinas.
