GENERAL SANTOS CITY – Bangi sa pamilya ang usa sa gilantaw nga motibo sa pagpamusil-nga nahitabo sa likod nga bahin sa city hall ning syudad.
Kahibaluan nga namatay ang nagpangalan ug Karatu-an Guiamal nga taga Koronadal City samtang samaron usab si Suharto Edza Ebus nga Taga davao City.
Gibutyag ni Police Major Abdulsalam Mamalinta, chief of police sa Pendatun Police Station nga miadto sa buhatan sa National Commision in Muslim Filipino ( NCMF) ang mga nahisgutan aron muatubang sa husay kalabut sa iyang anak sa ikaduha niini nga asawa.
Pagbutyag pa ni Mamalinta nga samtang anaa kini sa tapad sa maong buhatan kalit giudolan ug gipusil sa makadghan nga higayon.
Duha ka mga suspek ang mipahawa sa lugar human misakay sa usa ka motor basi sa kuha sa CCTV.
Gawas sa nahisgutang mga lalaki may nakabantay pa nga laing duha.
Apan pagpaklaro sa maong opisyal nga usa lang ang namusil sa mga biktima.
Nagpadayon ang pagkuha ug dugang ibedensya ang mga otoridad alang sa kasulbaran sa maong pagpamusil
