Nagbilin ang Bagyong Gaemi ug daghang kadaot sa lainlaing sektor sa Taiwan, uban ang pagkaguba sa mga edipisyo ug kadalanan.
Base sa pinakaulahing report nga gipagawas sa gobyerno sa Taiwan, usa ka barko ang nalunod tungod sa kataas sa baha ug gumikan sa kusog nga pag-ulan-ulan inubanan sa haguros sa hangin.
Gumikan niini ang barko nga usa ka Tanzania-flagged freighter ang naunlod uban ang siyam ka mga Myanmar nationals kung asa nahitabo ang insidente samtang anaa sa dagat nga gitabonan sa Kaohshiung City.
Nagpadayon pa ang pagpangita sa mga nasampit, kauban ang mga tripulante nga sakay human ang mga tripulante giingong wala motubag sa mga paningkamot sa komunikasyon nga gihimo sa mga awtoridad.
Sa pagkakaron, nagpabiling duha ang ihap sa nangamatay tungod sa epekto sa bagyo samtang niabot na usab sa 266 ang naangol.
Bisan pa, usa usab ka namatay ang padayon nga nakumpirma tungod sa epekto sa bagyo.
Sumala sa mga awtoridad, liboan ka mga panimalay ang nawad-an sa suplay sa kuryente.
