POLOMOLOK- Malampusong na-rescue ang usa ka backhoe operator human nga nahulog og natabunan human nga nahugno ang gituohan nga tressure hunting activity sakop sa Purok Matulungin, Brgy. Silway 8, Polomolok, South Cotabato.
Giila ang namatay nga si Arnel C. Maybanteng, 41 anyos nga residente sa maong lugar.
Matud ni Senior Fire Officer 1 Winny T. Fundar Jr, Chief Rescue Unit of Fire engine sa Bureau of Fire Protection Polomolok South Cotabato, nasugdan ang search, rescue, ug retrieval operation alas 10:30 sa buntag kaghapon, Abril 7, human makadawat og impormasyon nga adunay lalaking nalubong sa yuta atol sa giingong pagpangita og bahandi.
Dayon gipahigayon ang rescue ug retrieval operation og nakuha ang biktima gikan sa ilawom sa yuta alas 2:30 sa hapon, kagahapon.
Nasayran nga samtang nagkalot ang biktima, nahitabo ang usa ka “misoperation” nga miresulta sa kalit nga pagdahili sa yuta nga mianod ug mitabon kaniya sa hingpit.
Gigamitan og “low-angle rescue technique” ug standard nga mga pamaagi ang search and retrieval aron masiguro ang kaluwasan sa mga rescuers.
Human makuha ang biktima, gidala siya sa Polomolok General Hospital apan subo nga palandongon, gideklara siya nga patay na sa mga attending medical personnel.
Nasayran nga gipangulohan sa Bureau of Fire Protection (BFP) ang operasyon uban ang MDRRMO Polomolok, PNP, Municipal Assessors Office, MENRO, ug mga opisyal sa Barangay Magsaysay.
