Babayeng suspek sa pagpamusil sa truck driver balhog sa Lagao Police Station

GENSAN – Balhog karon sa selda sa Lagao Police Station ang babayeng suspek sa pagpamusil sa truck driver nga si Hector Valdez, 50 anyos og minyo.

Giila kini nga si Alyas Gina nga nasikop sa hot pursuit operation nga gipahigayon kagabie.

Base sa nakuhang mga ebidensiya sa kapulisan, si Alyas Gina ang angkas ni Mohammad Ali S. Dialodin sa single motorcycle dihang gipusil ang biktima nga nasayran nga kanhi kapuyo ni Alyas Gina.

Apan hugot nga gipanghimakak sa nasampit nga siya adunay kalambigitan sa pagpamusil.

Sa pakighinabi sa Bombo Radyo kay PCol. Nicomedes Olaivar Jr. City Director sa GSCPO gibutyag niini nga siguruhon sa kapulisan nga mahatagan og hustisya ang biktima.