Babaye nga naanod sa sapa sa boundary Sinawal-Apopong walay foul play – residente

GENERAL SANTOS CITY – Padayon ang imbestigasyon sa mga kapulisan sa usa ka babaye nga naanod sa sapa nga nahimutang sa boundary sa Sinawal ug Apopong ning dakbayan sa Heneral Santos.

Nailhan ang biktima nga si Devina Tagusi, 49 anyos, mag-uuma ug residente sa 2nd Gate Purok Cabuay, Sinawal, ning dakbayan.

Matud pa sa imbestigasyon nga nakit-an ang biktima nga mitabok sa sapa apan naabtan sa pag-agis a makusog nga tubig hinungdan nga naanud.

Nasuta nga gisulayan pa nga luwason ang biktima apan napakyas ang mga residente tungod kusog na kaayo ang ul-og sa tubig ug naanud gayud ang biktima.

Mismong ang mga nakakita nagbutyag nga walay foul play ang kamatayon sa biktima tungod usa kadto ka disgrasya.