GENERAL SANTOS CITY – Gapangandam karon ang nagkadaiyang mga lokal nga gobyerno sa Region 12 sa paghatud sa Astrazeneca vaccine.
Matud pa ni Arjohn Gangoso, tigpamaba sa Department of Health (DOH) 12 nga ang maong Astrazeneca vaccine ang alang sa mga pribado og pampublikong mga hospitals.
Sa pamahayag ni Gangoso ang giuna sa pagbakuna ang health workers nga gatrabaho sa Covid 19 referral hospitals gamit ang Sinovac vaccine.
Ang Astrazeneca ang alang sa mga hospital workers usab sa laing mga balay tambalanan .
Gibutyag ni Gangoso nga 3,500 vials ang miabot nga kada usa ang may 10 ka doses.
Ang ubang mga LGU sa rehiyon ang nagpahigayon na og simulation sa pag-abot sa maong bakuna.
Una niini miabot ang maong bakuna sa miaging Huwebes nga gideretso sa Regional Vaccine House sa DOH 12 sa Cotabato City.
