GENSAN- Padayon ang ginahimong assessment sa Department of Education- Gensan Division sa mga eskwelahan nga naapektuhan sa magnitude 7.8 nga linog nga miigo sa Mindanao niadtong Hunyo 8.
Sumala kang Kenneth Carisma, Division Information Officer sa DepEd Gensan, wala pa mahuman sa hingpit ang inspeksyon sa tanang 118 ka pampublikong eskwelahan tungod adunay upat ka eskwelahan nga wala pa maabot sa mga engineers sa City Engineer’s Office, DPWH ug DepEd tungod sa mga dalan nga dili pa maagian ilabina sa Barangay San Jose.
Matod niya, gihinay-hinay ug giayo pag-ayo ang assessment aron masiguro nga tukma ug kasaligan ang resulta sa inspeksyon sa mga classroom ug school buildings.
Gihimo kini sa mga civil ug structural engineers aron masuta kung luwas pa ba gamiton ang mga pasilidad alang sa mga estudyante ug magtutudlo.
Gidugang pa ni Carisma nga ang kaluwasan sa mga kabataan maoy labing prayoridad sa DepEd sa dili pa tugotan ang hingpit nga pagbalik sa normal nga klase
Nasayran nga anaa sa 45 ka mga school buildings sa s sa syudad ang restricted samtang 44 ang for evaluation og 25 ang walay daut base sa inspection human sa makusog nga linog.
