Galaum ang Gilas Pilipinas nga mahatag ang hangyo nilang ilhon isip local player si Angelo Kouame.
Ang 6-foot-11 center ang miabot sa nasud gikan sa Cote d’Ivoire niadtong 2016 og nagtuon sa Multiple Intelligence Internatioanl School sa Quezon City kung asa nakakuha kini og diploma sa high school niadtong Mayo 2018.
Sa edad nga 18 mibalhin kini sa Ateneo nga nahimong unang foreign student athlete nga nagdaog og UAAP Rookie of the Year.
Tuig 2021 dihang gihatagan sa Kongreso ang 27-anyos nga si Kouame og Filipino Citizenship para makadula sa Gilas Pilipinas niadtong panahon ni coach Tab Baldwin una nahimong kabahin sa kasaysayan dihang makakuha og gold medal ang Gilas sa Asian Games ubos sa pag-coach ni Tim Cone.
Ugaling maaprubahan sa FIBA ang exemption kang Kouame, mamahimong dakong yawe kini sa Gilas ilabi na nga wala nakadula si Kai Sotto tungod sa injury sa tuhod.
