Gidawat ni Senador Risa Hontiveros ang gisugyot nga amendment nga gisumite ni Senate President Francis “Chiz” Escudero alang sa iyang gisugyot nga Senate Bill No. 1979 o ang Prevention of Adolescent Pregnancy Bill.
Bisan pa man og adunay mga amendment o kausaban sa maong balaudnon, masaligon ang senador nga dawaton gihapon sa ilang partner advocates ang substitute bill tungod kay matud niya nakatutok gihapon kini sa tumong nga masumpo ang teenage pregnancy sa nasud ug mahatagan sila og proteksyon.
Samtang, gibalibaran usab ni Hontiveros ang pamahayag ni Senador Joel Villanueva nga ang gisugyot nga anti teen pregnancy bill usa ka bummer.
Matod ni Hontiveros, ang tinuod nga bullying mao ang pagpakaylap ug sayop nga impormasyon, pagpanghulga sa publiko, ug pagpamakak bahin sa balaudnon.
Ang CSE iapil sa mga kasamtangang programa sa Department of Social Welfare and Development (DSWD), Department of Education (DepEd), Department of Health (DOH), ug hisgotan usab kini sa mga ginikanan sa mga tigom sa PTA.
Gipahayag usab sa Senate Bill No. 1979 nga naghatag ug sosyal nga proteksyon ug serbisyo sa pag-atiman sa kahimsog alang sa mga mabdos nga inahan ug bag-ong natawo nga mga bata.
