GENERAL SANTOS CITY – Nagpunay ug hilak ang amahan nga mibun-og sa nuebe anyos nga anak samtang naa sulod sa selda sa kapulisan. Human gimahayan ang gihimo nga pagbun-og sa iyang anak nga nagresulta sa pagkamatay sa biktima.
Gibalik-balik pag-angkon sa nagpangalan ug Roy Canlaon Jr., 34 anyos nga wala tuyu-a ang nahitabo dungan sa pag-angkon nga naka-inum niadtong tungura.
Gibutyag ni Police Major Wesley Matillano, hepe sa Fatima Police station nga naabtan sa nagresponde nga imbestigador sa Womens and Childrens Desk nga giunlanan sa suspek ang lipong niini nga anak sulod sa ilang gipuy-an hinungdan nga gidala dayon ang biktima sa tambalanan.
Gikumpirma ni Matillano nga pasado alas singko sa buntag ilang narespondihan ang lugar luyo nga alas tres sa kaadlawon nahitabo ang pagpangdagmal.
Sumala sa Opisyal nga ila ng gihikay ang supplemental affidavit alang sa kaso nga parricide luyo nga nakapasaka na ug kaso nga Serious Physical Injury in relation to RA 7610.
