Gikondena sa Algeria Olympic Committee ang walay basehan nga pag-atake sa ilang female boxer nga si Imane Khelif human giakusahan nga usa ka transgender human nagdula sa Paris 2024 Olympics.
“COA strongly condemns the unethical targeting and maligning of our esteemed athlete, Imane Khelif, with baseless propaganda from certain foreign media outlets.”
Sumala sa Olympic Committee, si Khelif ang gipanganak nga usa ka babaye, apan adunay Disorder with Sex Development (DSD) ang nahisgutan nga rason nga aduna kini XY chromosomes og taas nga testosterone.
Usa usab kini ka United Nations International Children’s Emergency Fund (UNICEF) ambassador kung asa gipakigbahin niini ang iyang eksperyensya sa iyang pagdako sa usa ka rural village kung asa wala kini gitugtan sa iyang amahan nga magdula og boxing gumikan sa rason nga dili kini alang sa mga babaye.
Dugang pa, ginakonsidera usab nga dili patas sa Algeria ang pagpangatake sa personalidad og dignidad ni Khelif.
Gihingusgan sa Algeria nga himuon nila ang tanan nga lakang aron panalipdan ang ginakonsidera nila nga champion nga atleta.
“Such attacks on her personality and dignity are deeply unfair, especially as she prepares for the pinnacle of her career at the Olympics. The COA has taken all necessary measures to protect our champion.”
Samtang sumala usab kang International Olympic Committee (IOC) spokesman Mark Adams, ang tanan nga mga atleta sa Olympics ang gipailalom sa eligibility og entry regulations.
Gibutyag ni Adams nga si Khelif ang nakadula na sa 2020 Tokyo Olympic Games og wala lang milusot.
“These athletes have competed many times before for many years, they haven’t just suddenly arrived – they competed in Tokyo.”
