Gibalik sa prosecution sa impeachment trial ang mga transaksyon sa bangko niadtong 2010 nga gikonekta kang kanhi Pangulong Rodrigo Duterte ug Vice President Sara Duterte.
Sa ika-35 nga adlaw sa pagdungog karong Miyerkules, gipangutana ni Senator-judge Ping Lacson ang prosecution kung asa padulong ang ilang pagpresentar sa mga karaang transaksyon sa bangko, ilabi na kay gikuwestyon sa depensa ang kalabutan sa maong mga rekord sa kasamtangang impeachment case.
Sa pagpangutana ni Lacson kang private prosecutor James Bryan Ibrahim Alih, iyang gipangutana kung tumong ba sa prosecution nga magpakita og usa ka pattern nga ilang gamiton aron matod pa mapamatud-an ang concealment.
Gikumpirma usab ni Alih nga kabahin sa ilang tumong ang pag-establisar sa maong pattern.
Gipasabot sa prosecutor nga kinahanglan nilang hapsay nga ipresentar ang mga dokumento aron mapakita ang giingong pattern, mao nga nagkinahanglan kini og panahon ang ilang presentasyon.
