Gawas sa pagsaka sa ranking sa Women’s Tennis Association (WTA), ang Pinay tennis star nga si Alex Eala mnakabulsa og kapin sa P19 milyones nga premyo human sa iyang impresibong performance sa 2025 Miami Open.
Sa maong tour, ang semifinal appearance mabulsa gyud og garantiya nga presyo nga US$332,160 o kapin sa P19 milyones.
Ang kapin sa P19 milyones nga iyang mauli gikan sa tour mas labaw pa sa kinatibuk-ang $32,000 nga gibulsa ni Eala sa tibuok season.
Samtang, kon nakaabot pa sa finals ang 19-anyos nga tennis star, makabulsa unta siya og $597,890 (P34M) samtang $1,124,380 (P64.5M) ang mabulsa niya kon makadaug.
Sa laing bahin, human sa Miami Open, ang Pinay tennis star gipaabot nga mosaka na usab sa WTA ranking. Base sa inisyal nga WTA live rankings, si Eala misaka sa No. 75 gikan sa kanhing ranggo nga 140 sa wala pa magsugod ang Miami Open.
Buot ipasabot nga makasulod na sa top 104 ang Pinay star kung sugdan na ang proseso sa seeding alang sa sunod nga tulo ka grand slam karong season.
Nagsugod kini sa French Open sa bulan sa Mayo. Sa tibuok Miami Open, si Eala naka- pildi sa upat ka mga magduduwa nga naa sa Top 25 sa WTA ranking. Tulo niini pulos kampiyon sa Grand Slam.
