GENERAL SANTOS CITY – Andam muhatag ug pabuya nga P20,000 si Alabel Mayor Vic Paul Salarda sa mga makatudlo sa nagpaluyo sa pagpatay sa duha ka indibidwal nakalabay nga adlaw sa Poblacion, Alabel, Sarangani Province.
Kahinumduman nga napalgan nga wala nay kinabuhi ang amahan ug kwatro anyos nga anak human gigolgolan sa li-og.
Tumong matud pa aron paspas maresolba ang nahitabo nga krimen aron makasuhan ang mga suspek ug mahatagan sa hustisya ang nahitabo nga pagpatay.
Gipasalig sa Mayor nga konpidensyal ang impormasyon nga makuha gikan sa impormante nga pwedi ipadangat kaniya o kaha sa kapulisan sa lugar.
Kahinumduman nga nakadawat ug tawag sa cellphone ang desk officer sa Alabel Municipal Police Station sa nakita nga duha ka patay nga lawas sulod sa usa ka kubo sa Purok Bitus, Barangay Poblacion miaging adlaw.
