Nagkaduol na lamang ang inadlaw una ang Christmas break — buot pasabot, panahon usab kini aron makabyahe ang kadaghanan ilabi na ang mga estudyante.
Usa sa dili nato gusto ma-eksperyensya mao ang mawalaan ug bag sa airport, apan may higayon nga mahitabo kini ilabina na kun nagadugok ang mga pasahero.
Apan nakahibalo ka ba nga adunay airport nga 30 ka tuig na nga hinlo ang rekord kun kalabot sa bagahe sa pasahero ang hisgotan?
Kini ang Kansai International Airport (KIX) nga mao ang ikapito sa labing dako nga airport sa Japan.
Pahayag sa airport wala gyud kini nakaagi nga nawalaan og bag gikan sa pag-abli nila kaniadtong Septyembre 1994.
Matag tuig, kini nga airport ang naga-average og 20-30 million nga mga pasahero.
Sa kamatuoran, ning tuiga nakaangkon ug award ang maong airport sa ‘world’s best airport baggage delivery’.
Ang naghatag og pag-ila mao ang UK-based aviation ranking and rating website nga Skytrax.
Ang Kansai ang natukod sa artificial island sa Osaka Bay og nagsilbi kini sa Osaka, Kyoto og Kobe regions.
Alang sa 2024, ika-18 sa puwesto ang Kansai sa listahan sa best airport in the world overall, human sa mga kasikbit niini nga Tokyo, Narita (fifth place) og Haneda (fourth) .
Kahibaluan nga ang ‘on time’ nga baggage arrival ang usa lamang sa factors nga ginatan-aw kun mag-rank sa “world’s best” airport.
Ginakonsidera usab dinhi ang food and drink offerings, percentage sa on-time arrivals og departures, og siyempre, ang kalimpyo aron kumportable usab ang byahe sa mga pasahero.
Sa karon, nakatutok ang Kansai sa renovation og bag-o nga security checkpoint isip pagpangandam sa Expo 2025 ukon nailhan kanhi nga ‘World’s Fair’ nga gitakdang ipahigayon sa Osaka, Japan.
