GENERAL SANTOS CITY – Mihatag og mga tambag si Dr. Fidel Peñamante ngadto sa katawhan aron mapabilin ang atong himsog nga panglawas karong Pasko og Bag-ong Tuig. Angayang mukaon sa hustong oras.
Ang dili pagkaon sa hustong oras pwedeng mahimong rason sa over-eating o ang pagkaon og sobra sa atong kinahanglan.
Gibutyag niini, mugamit og tama nga gidak-on sa plato. Ang pag gamit og mas gamay nga plato makatabang aron dili masobra sa ginakuha nga pagkaon.
Magsugod sa pagbutang og gulay og salad una mukua og uban pa nga pagkaon sama sa sud-an og dessert.
Pilion ang mga pagkaon nga ubos sa asin, asukal, tambok og mantika, og may fiber.
Labing mahinongdanon ang pag-angkon ug ‘healthy lifestyle’.
Bawal manigarilyo, angayang ‘moderate’ lang ang pag-inom og ilimnong makahubog kung dili makabalibad sa pag-inom og dili kalimtan nga mag ehersisyo og ilihok-lihok ang atong lawas.
Likayan ang ma-stress og batasanon ang pagbaton ug igong pahulay.
