Gilauman nga mahimong ehemplo sa ubang ahensya sa gobyerno ang mga “best practices” nga gipatuman sa Malapatan Municipal Police Station, ilabi na sa pagpalig-on sa relasyon sa kapulisan ug komunidad ug paghatag og mas maayong serbisyo sa publiko.
Matod ni PCpl Bhen Archie P. Pangolima, Chief Municipal Community Affairs sa Malapatan MPS, dili lamang nakapunting sa pagpugong ug pagsulbad sa krimen ang ilang mga programa, kondili naglakip usab sa moral ug welfare sa mga katawhan.
Usa sa mga pag-ila sa ilang mga inisyatiba mao ang pagkahimong regional qualifier sa “Gawad Lingkod Bayan sa Pangulo” sa Civil Service Commission niadtong September 22, 2026.
Gipasidunggan usab ang ilang estasyon sa Napolcom Regional Office isip Best Community Policy sa Region 12, samtang gipakita usab sa Napolcom Central Office sa Manila ang ilang mga pamaagi pinaagi sa feature nga “Kapulisan at Komunidad: Kwento ng Pagkakaisa.”
Gipasabot ni Pangolima nga importante ang pagpaambit sa maong mga best practices aron mahimong giya sa ubang opisina ug ahensya sa gobyerno sa pagpalambo sa ilang serbisyo ngadto sa katawhan.










