-- ADVERTISEMENT --

Gipanghimakak sa Commission on Elections o COMELEC ang accreditation applications sa 10 ka bag-ong party-list groups nga gustong moapil sa 2028 National and Local Elections tungod sa kakulang sa ilang mga dokumentong gisumite.

Matod ni COMELEC Chairman George Erwin Garcia, lakip ang maong 10 ka grupo sa 13 ka aplikante nga nakit-anang adunay daghang kakulangan sa ilang mga requirements.

Gitugotan gihapon ang mga grupo nga mosumite pag-usab og aplikasyon kung buot nilang ipadayon ang ilang pagparehistro.

Gipahugtan usab sa komisyon ang pagsusi sa mga aplikasyon aron masiguro nga dili maaprobahan ang mga grupo nga dili kuwalipikado.

Sa pagkakaron, adunay 143 ka accredited party-list groups ang COMELEC human tangtangon sa listahan ang 50 ka grupo nga wala moapil o wala makakuha og puwesto sa miaging duha ka piniliay.

-- ADVERTISEMENT --

Abli pa hangtod Disyembre 18 ang pagparehistro sa mga party-list groups, political parties ug coalitions alang sa 2028 elections.