-- ADVERTISEMENT --
Gikuwestiyon ni House prosecutor Atty. Chel Diokno ang pagpangutana sa defense team bahin sa educational background ni Atty. Rainer Dela Fuente atol sa impeachment trial ni Vice President Sara Duterte.
Gipangayo ni Diokno ang klaripikasyon kung tumong ba sa depensa nga kuwalipikahon si Dela Fuente isip expert witness, ilabi na kay wala kini gilakip sa ilang gisumite nga offer of testimony.
Tungod niini, mipahayag si Diokno nga mosumiter siya og objection kay wala kuno sa offer of testimony ang maong katuyoan.
Mitubag si defense lawyer Mark Vinluan nga kabahin kini sa ilang gisumite nga offer, apan lahi lamang ang pagkasulti niini ug hisgotan nila ang kahanas ug kahibalo sa testigo.











