-- ADVERTISEMENT --

Pormal nang gilunsad sa Association of Southeast Asian Nations Governors and Mayors Forum ang “Localising ASEAN Community Vision 2045” nga nagtumong sa pagpalig-on sa papel sa mga lokal nga panggamhanan sa dugayng plano sa rehiyon.

Gipangunahan ni Manila Mayor Francisco “Isko” Moreno Domagoso ang paglunsad, uban si Quezon City Mayor Joy Belmonte, mga lider sa lokal nga panggamhanan sa rehiyon ug uban pang opisyal.

Tumong sa maong inisyatiba nga himuong konkretong mga lakang ug serbisyo sa mga siyudad, probinsya ug lokal nga panggamhanan ang mga tumong nga gilatid sa ASEAN Community Vision 2045.

Matud ni Mayor Isko Moreno, importante ang maong panagtigom aron makahimo og mga panag-uban nga makatabang sa mga lokal nga komunidad. Iyang gipasiugda nga dili lamang nasudnong panggamhanan ang adunay responsibilidad sa ASEAN, kondili apil usab ang mga lokal nga lider sa matag miyembrong nasud.