-- ADVERTISEMENT --

Wala makatambong sa impeachment trial ni Vice President Sara Duterte karong adlawa si Rowena Mendoza, usa sa mga giplanong ipresentar nga testigo sa defense team, tungod kay anaa kini sa gawas sa Pilipinas.

Sumala sa impormasyon nga gihatag ni House prosecutor Rep. Joel Chua, si Mendoza mao ang department manager sa Center for International Expositions and Missions o CITEM.

Apan wala kini moatras isip testigo ug mihangyo lamang nga ibalhin sa laing petsa ang iyang pagpresentar sa impeachment court.

Gilauman nga mohatag si Mendoza og impormasyon bahin sa komunikasyon tali sa Cale88 Foods Corporation ug CITEM kalabot sa mga food exposition.