-- ADVERTISEMENT --

Gipamatud-an pag-usab ni Pangulong Ferdinand Marcos Jr. ang dugay nang panaghigalaay ug alyansa sa Pilipinas ug Estados Unidos atol sa iyang pakigpulong sa state luncheon alang kang US President Donald Trump sa Malacañang kagahapon, Nobyembre 18, 2026.

Gipadayag ni Marcos nga makahuluganon ang pagbisita ni Trump tungod kay dungan kini sa pagsaulog sa ika-80 anibersaryo sa diplomatikong relasyon sa duha ka nasud ug ika-75 anibersaryo sa Mutual Defense Treaty.

Matud sa Pangulo, dili lamang depensa ug seguridad ang sakop sa ilang relasyon, kondili apil usab ang patigayon, pamuhunan, enerhiya, teknolohiya, edukasyon ug pagpalig-on sa supply chains.

Gipasiugda usab niya ang kamahinungdanon sa dugay nang panaghigalaay, pagsalig ug pagtinabangay sa duha ka nasud, nga gilauman nga mas molig-on pa pinaagi sa pagbisita sa lider sa Amerika.

Nanghinaut si Marcos nga mag-abri kini og dugang oportunidad alang sa mas lig-on nga partnership, ingon man sa kalinaw, seguridad ug kalamboan sa duha ka nasud.

-- ADVERTISEMENT --