-- ADVERTISEMENT --

Patay ang 19 ka pasahero sa usa ka Russian military plane human kini nahagsa sa Siberia niadtong Martes, Nobyembre 17.

Natala ang pagkahagsa sa usa ka An-12 aircraft atol sa gikatakdang paglupad niini sa usa ka walay nagpuyo nga lugar sa Kemerovo region, Siberia, sumala sa Ministry of Defense sa nasud.

Samtang nagpadayon ang imbestigasyon sa mga otoridad, posibleng teknikal nga problema ang hinungdan sa pagkahagsa sa maong eroplano, sumala sa ministro.

Matud sa lokal nga gobernador sa rehiyon, dali nga napalong sa emergency responders ang sunog sa crash site duol sa baryo sa Yagunovo. Gikordonan na usab sa kapulisan ang lugar nga nahagsaan sa eroplano.

Gipalihok na usab sa lokal nga pangagamhanan ang usa ka helicopter ug pipila ka duol nga medical facilities aron andam sa paghatag og tabang ug medikal nga pag-atiman kon adunay nanginahanglan.

-- ADVERTISEMENT --

Wala pa usab matino kon adunay lain pang kargamento nga gisakay sa maong eroplano.