Nagpahayag ug dakong pagpasalamat ang Bombo Radyo Philippines ug ang Bombo Radyo Foundation Incorporated uban sa Philippine Red Cross sa libo-libong boluntaryong nagdonar og dugo, mga kaabag nga volunteers, donors sa pagkaon ug ilimnon, sponsors, organisasyon ug tanang partners nga maoy hinungdan sa malampusong pagdaug sa Dugong Bombo 2026.
Tungod sa lig-ong pagtinabangay, daghang mga kababayan ang makapahimulos sa dugo ug ubang produkto niini aron mapalugway ang ilang kinabuhi.
Gipadayag sa Bombo Radyo nga pinaagi sa pagpakig-ambit sa gamay nga parte sa atong kaugalingon, matinuod gayod nga ang gamay nga kasakit mamahimong usa ka kinabuhi ang makab-ot.
Lakip sa ilang mainitong pasalamat ang presensya ug tabang sa mga doktor nga nag-alalay ug nag-siguro nga malinawom ug hapsay ang pagpatuman sa bloodletting activity. Ilabina kanila: Dr. Ecila Africa, Russel Gonzales, Dr. Salma Dimalotang, Dr. Karl Igrobay, Dr. Josie Demandante, Dr. Gemmalie Santos, Dr. Jose Carlo Santos, Dr. Chivalrie Yumang, Dr. Tina Ramizo, Dr. Juleen Rose Caat ug Dr. Jober Carl Templedo
Ang Dugong Bombo – A Little Pain, A Life to Gain”, ang nagpakita ug pagtinabangay ug pagpakabana sa isigkatawo, ang kaayo modaug batok sa dautan ug makasukol kita sa kurapsyon ug bisan unsang pwersa nga makadaut sa katilingban.
