Misaka na sa halos ₱10 billion ang kantidad sa kadaot nga resulta sa El Niño phenomenon sa sektor sa agrikultura sa Pilipinas, nga nakaapekto sa kapin 324,000 ka mag-uuma sa nagkadaiyang rehiyon sa nasud.
Sumala sa Department of Agriculture o DA, base sa pinakabag-ong advisory sa ahensya kagahapon, Miyerkules, mikabat sa P9.99 billion ang kinatibuk-ang kantidad sa mga pananom nga nadaot, mas taas kumpara sa P8.57 billion nga natala niadtong Oktubre 21.
Mikabat usab sa 323,419 ka ektarya sa mga umahan ang naapektuhan, nga bugti sa 288,424 metric tons nga nawala nga ani.
Pinakadako ang kadaot sa mais nga mikabat sa P5.63 billion, samtang P3.65 billion usab ang nalugi sa sektor sa humay.
Lakip sa mga rehiyong naapektuhan ang Cordillera, Ilocos Region, Cagayan Valley ug uban pang bahin sa Luzon, Visayas ug Mindanao.
