Nabalda ang operasyon sa transportasyon ug pipila ka serbisyo sa gobyerno sa Spain tungod sa dakong lihok protesta nga gipahigayon sa nasud.
Kini ang unang higayon sulod sa 14 ka tuig nga nagpahigayon og general strike ang mga mamumuo aron ipadayag ang ilang mga reklamo kalabot sa problema sa pinuy-anan ug pagsaka sa presyo sa mga palaliton.
Lakip sa mga lugar nga nahimong sentro sa protesta ang Madrid ug Barcelona.
Gipahigayon ang maong lihok protesta pipila lamang ka adlaw sa wala pa ang parliamentary elections nga nakatakdang ipahigayon sa Nobyembre 29.
Samtang, gipahayag sa Spanish Confederation of Business Organisations nga wala kaayo naapektuhan ang ilang mga negosyo tungod kay nagpadayon gihapon ang operasyon sa kadaghanan niini.
Aduna usab mga demonstrador nga gidakop sa kapulisan, ilabina kadtong misulay pagsulod sa mga opisina sa gobyerno.
