11 patay sa nagkarambola nga mga sakyanan sa Bulgaria

Miabot sa 11 ka tawo ang namatay human sa nagkarambola nga mga sakyanan sa Bulgaria.

Nahitabo ang insidente sa Trakia Motorway duol sa Zinnitsa sa habagatan-sidlakang bahin sa Bulgaria diin dili moubos sa 20 ka sakyanan ang nagbanggaay.

Matod ni Prime Minister Rumen Radev, posibleng tungod sa baga nga gabon ug danlog nga kalsada ang hinungdan sa maong aksidente.

Miabot usab sa 50 ka tawo ang nasamdan sa aksidente ug gilayon silang gidala sa nagkadaiyang ospital.

Tungod sa maong insidente, gipamub-an ni European Commission President Ursula von der Leyen ang gidugayon sa iyang pagbisita sa maong nasud.

Nagpahayag usab kini og kasubo sa mga pamilya sa mga namatay nga biktima.