Gipili isip pangulo sa Blue Ribbon Committee sa Bangsamoro Parliament si Bangsamoro lawmaker Zulfikar-Ali “Sol” Bayam.
Napili si Bayam atol sa unang sesyon sa 80 ka miyembro sa Bangsamoro Parliament niadtong Oktubre 30, human sa regional elections niadtong Septyembre 14.
Kagahapon Nobyembre 9, mibisita sa iyang opisina sa Cotabato City ang mga miyembro sa committee secretariat aron ipahayag ang ilang suporta sa iyang pagpangulo.
Gipangulohan ni Jonaina Macabando, director sa Parliamentary Committees Support Service, ang delegasyon nga mipasalig sa pagtabang kang Bayam sa pagtuman sa mga responsibilidad sa komite. Gilauman nga adunay dakong papel ang Blue Ribbon Committee sa pagpalig-on sa transparency, accountability ug responsableng pagserbisyo sa publiko sulod sa Bangsamoro regional government.
