Dakong rollback sa presyo sa produktong petrolyo, epektibo na karong adlawa

Nakasinati og gamayng kahupayan ang mga motorista human mapatuman sa mga kompanya sa lana ang dakong pagpaubos sa presyo sa mga produktong petrolyo kagainang alas-6 sa buntag, karong adlawa, Nobyembre 10.

Matud sa Department of Energy o DOE, mikunhod og P16.80 kada litro ang presyo sa gasolina.

Mikunhod usab og P4.10 kada litro ang presyo sa diesel lakip ang presyo sa kerosene nga mikunhod og P3.70 kada litro.

Magpabilin ang bag-ong presyo sa mga produktong petrolyo hangtod Nobyembre 16. Samtang, gipahibalo usab sa DOE nga igo pa alang sa mokabat sa 50 ka adlaw ang suplay sa lana sa nasud.