Determinado ang Philippine National Police nga madakpan sa labing madali nga panahon si Senator Ronald “Bato” Dela Rosa nga padayon nga wala motungha sa mga otoridad.
Matud ni PNP Chief General Jose Melencio Nartatez Jr., nagkagamay na ang mga lugar nga mahimong adtoan sa senador ug dili kini hangtod kanus-a makatago.
Gipasalig usab sa PNP nga nagpadayon ang ilang pagpangita 24 oras kada adlaw ug nakigtambayayong sa ubang law enforcement agencies.
Nadawat na sa kapulisan ang kapin 500 ka impormasyon kalabot sa posibleng tagoanan ni Dela Rosa, apan gipailalom pa kini sa validation ug aktuwal nga operasyon.
Nakaharap ang senador sa arrest warrant gikan sa International Criminal Court kalabot sa kasong crimes against humanity nga may kalabotan sa kampanya batok sa ilegal nga droga atol sa administrasyon ni kanhi Presidente Rodrigo Duterte.
