Gipalig-on sa Korte Suprema ang lima ka tuig nga termino sa mga opisyal sa barangay ug Sangguniang Kabataan (SK) human gibasura ang petisyon nga nagkuwestiyon sa Republic Act No. 12326.
Gisulat ni Associate Justice Rodil Zalameda ang desisyon diin gipatin-aw sa Korte nga ang balaod nagtakda sa gidugayon sa termino sa mga opisyal ug dili lamang nagpalangan sa pagpahigayon sa eleksiyon.
Tungod niini, sa Nobyembre 2028 na ipahigayon ang sunod nga Barangay ug Sangguniang Kabataan Elections o BSKE. Human niini, matag lima ka tuig na ang sunod nga mga piniliay.
Gipirmahan ni Pangulong Ferdinand Marcos Jr. ang RA 12326 niadtong Setyembre 24, 2026, nga nagpataas sa termino sa mga opisyal gikan sa upat ngadto sa lima ka tuig.
Gikuestiyon ni election lawyer Atty. Romulo Macalintal ang maong balaod pinaagi sa petisyon sa Korte Suprema, ilabina ang pagpalugway sa termino sa kasamtangang mga opisyal nga wala pa ipahigayon ang eleksiyon. Apan, gibasura sa Korte ang iyang petisyon ug gipabilin ang balido sa RA 12326.
