Girespeto sa prosecution panel ang desisyon ni Dean Ralph Sarmiento nga moatras isip usa sa mga testigo sa depensa ni Vice President Sara Duterte sa impeachment trial nga ipadayon sa Nobyembre 9.
Matod ni Chua, nakadawat usab sila og impormasyon nga adunay mga financial expert nga midumili sa tanyag nga mahimong testigo sa kampo sa depensa.
Gipasabot niya nga mahimong hagit sa mga testigo sa depensa ang pag-atubang sa mga eksperto nga gipresentar sa prosekusyon tungod sa ilang kredensyal ug mga pagtuon kalabot sa maong kaso.
Samtang, gisusi na sa prosekusyon ang listahan sa kapin 20 ka posibleng testigo nga ipresentar sa depensa, lakip ang katapusang tulo ka ngalan nga wala pa matino ang tukmang katuyoan sa ilang testimonya.
Gibutyag ni Chua nga nagpadayon ang ilang pagpangandam aron matubag ang posibleng mga pahayag sa mga testigo atol sa pagpadayon sa impeachment proceedings.
