-- ADVERTISEMENT --
Gitapos na sa Philippine Air Force ang hapit unom ka dekadang paggamit sa Bell UH-1H Iroquois o Huey helicopters human pormal nga gi-decommission ang tibuok fleet niini.
Gipahigayon ang decommissioning ceremony sa Benito Ebuen Air Base sa Lapu-Lapu City, Cebu.
Sumala kang PAF spokesperson Colonel Alvin Jay Capinguian, unom na lang ka UH-1H helicopters ang nahibilin sa ilang imbentaryo ug operational pa ang tanan sa wala pa kini miretiro.
Miabot sa Pilipinas ang unang upat ka unit niadtong Marso 29, 1969 sa Villamor Air Base.
Sulod sa hapit unom ka dekada, gigamit ang Huey helicopters sa mga operasyon militar ug humanitarian missions sa nagkalain-laing bahin sa nasud.
-- ADVERTISEMENT --
