Tunga-tunga sa padayong pagtaas sa heat index ug hilabihang kainit sa panahon, nagpatuman ang Department of Education (DepEd) og pag-usab sa pamaagi ug oras sa klase aron mapanalipdan ang kahimsog ug kaluwasan sa mga estudyante.
Sumala ni Kenneth Carisma, information officer sa DepEd Gensan, usa sa nag-unang solusyon nga gihimo sa mga pampublikong tulonghaan mao ang pagpasayo sa oras sa pagklase aron malikayan nga ma-expose sa grabeng kainit sa udto ang mga estudyante.
Ang klase gisugdan na sa alas-6:00 sa buntag ug magtapos sa alas-10:00 o alas-11:00 sa buntag, depende sa kahimtang sa temperatura ug pwesto sa tagsa-tagsa ka barangay o rehiyon.
Gipaklaro usab ni Kenneth nga dili tanang eskwelahan magkapareho og eskedyul tungod kay nakadepende kini sa lokasyon ug kasamtangang ‘humidity’ ug ‘heat index’ sa dapit.
Ang mga lugar nga medyo mabugnaw pa ang klima gitugotan nga makapadayon sa tibuok adlaw nga face-to-face classes, samtang ang mga dapit nga nakasinati og hilabihang kainit gitugotan nga magpasayo sa klase o mag-suspenso sa pormal nga pagtulun-an
