GENSAN- Anaa sa lokal nga punerarya og wala pay tagtungod nga miila sa usa ka lalaki nga biktima sa pagpamusil patay sa Purok Millioners, Barangay Labangal, General Santos City, alas 9:00 kagabie Nobyembre 5.
Giila sa kapulisan ang biktima nga si Junior Ayob Bustillo, minyo ug residente sa Talayan, Maguindanao.
Base sa inisyal nga imbestigasyon, nadiskubrehan sa usa ka residente sa Millionaires Village Olarte ang lawas sa biktima nga naghigda sa salog ug adunay daghang samad pinusilan sa nagkalainlaing bahin sa lawas.
Wala pa mahibaloi ang motibo sa krimen ug ang ilhanan sa suspek.
Sa pagkakaron, nagpahigayon na og hot-pursuit operation ang kapulisan aron mailhan ug madakpan ang responsable sa pagpamusil.
Gipadayon usab sa mga otoridad ang imbestigasyon aron matino ang tibuok nga mga sirkumstansya sa maong insidente.
